|
|
|
 |  |
|
Samy ivarotany avy ny ankilany sy andaniny Ary tsisy mahatakatra izay sain-dratsiny aminy. Ny vola... dia ny vola ! Ny hahazo no ao an-tsainy Na ny atsy na ny aroa dia samy ambakiny. Ny VOLA... dia ny vola hiany. Io no zava-tena maminy Io vola... vola io. Io no tena andriamaniny. |
AKTA 3Eo ambava ala akaiky an' Ambolobozikely Indro isy loha-tafika izay somary mieliely An' ny Sakalava ireo. Tahaky ny sadiavahy No fijery ireto izy. Tena vatan-dehilahy Mirongo lefona eny an-tanany.. Izato fomba iparitahany Dia iheverana azy ho vitsy kanjo fomba famitahany Tily ihany koa ireo ka miandry ny itampodiana, Ilay iraka nalefa... ka mitsatoka eo ny diany. Miandry ny andro ho vaky izy vao mihevitra hiseho Tsindrian-daona ireto mpiandry. Iny kosa avy eo Eny iny, avy, tonga : tovovavy iray kinga Omban' ny miaramila vitsy mitan-defona sy ampinga Mailamailaka ilay izy, bikàna dia bikàna fatratra Na dia tsy holazaina aza dia inona fa efa fantatra AMINA BATSOLA io, mpanjaka sakalava Ngitangita izao izy, mahiratriratra, mazava, Maranidranitra sy kanto tahaky ny zana-javatra. Ny azo ilazana azy Zazavavy tonga lafatra Asa izay Rasalimo voalaza tany aloha tany Fa raha i Batsola Amina aoka foana ny hatsarany. Tsy printsesy ihany fa mpanjakan' ny tarehy Sahisahy sy sariaka nefa hita fa mpifehy ! Entiny eny miaraka aminy fa nitsaka azy tany Lefahitra, mandringa mody vizaka aok' izany. Batsola : Manatona ahy haingana ry mahery fo rehetra. Manodidina ahy akaiky, ary izao no fepetra... |
|
|