5 Dia nody ny tafika fa avy nandresy,
6 Nirava ny toby,
7 Ka heno nanako ny antsa misesy
8 Narahina hoby.
9 'Reo foloalindahy nomban-Janahary
10 Nirehi-pamindra
11 Tsy resy tan' ady sy tsara mpirary
12 Ka mirana indrindra!
13 Somebika faly ny tao an-tanàna, io
14 Nifampiarahaba.
15 Hatraiza hatraiza dia nisy korana
16 Nomban-tabataba.
17 Kanefa indrisy! tanatin' izany,
18 Rahanitriniala
19 Dia re nitoloko sy heno tomany,
20 Nilaoza-malala !
21 Ravalo, hono, maty nanolotra ny ainy
22 Ho antoky ny ady,
23 Dia very ny toky nampanantenainy,
24 Ka ory ity vady;
25 'Lay hany domohina mamin' ny fony,
26 Nindaosim-papango;
27 Ny fiainana zary tsy sitrany intsony,
28 Fa feno farango.
29 Rehefa ho tapitra, hono, ny fetra
30 Aharetan' ny saona,
31 Dia tonga ireo efa naniry rehetra
32 Nitady hihaona.
33 Kanefa Rahanitra tsy mba nandray
34 Ny fitia kolokolo;
35 Nilaozan' ny vary ka mandrakizay
36 Tsy mila pisolo!
37 Niroso ny jono, nitranga ny vovo,
38 Fa tsy nahavoa;
39 Ny antitra trema, ny sidin-jatovo
40 Niseho avokoa,
41 Kanefa ny vola sy ny endrika kanto
42 Tsy nanana hery;
43 Nanoro niangavy ireo hanam-binanto
44 Fa tsy afa-nanery!
|
45 " Ny ahy, ny foko, ry dada sy neny,
46 Tsy ketsa nafafy
47 Ka ho haiko afindra ombieny ombieny,
48 Fa aleoko mihafy.
49 Ny ahy fitiavana latsaka anaty
50 Maningotra ny aiko,
51 Ka aoka hanaraka ilay efa maty
52 Tsy afaka an-tsaiko!"
53 Dia nofiny, hono, indray alina izay,
54 'Lay tiana eram-po
55 Nivoaka naloan' ny fasana indray,
56 Tsy simba na lo.
57 Dia tamy namafa ny tavany, hono,
58 'Zay feno tomany,
59 No sady nandrehitra ny afo voavonon'
60 Ny Fanantenany!
61 Kinanjo karazan' ny embona ihany
62 'Ty nofiny soa,
63 Fa indro' lay efa natelin' ny tany
64 Nitranga tokoa !
65 Nitsaha-piavy' lay ora-mandriaka
66 Nanako-masoandro,
67 Nisava ny rahona ka nibaliaka
68 Ny taratry ny andro!
69 Tsy maty Ravalo, fa nony naratra
70 Dia lasan-ko babo,
71 Ka tonga tantanan' izay olona antra
72 Mba nety nitsabo.
73 Rehefa vimbinin' ilay Fitondrana,
74 Tsy misy ahina,
75 Ka indro fa tody eo an-tany nialany
76 Ravalonirina !
77 Ny tena fitiavana, hoy aho mantsy,
78 Dia mandrakizay;
79 Voarohin' ny tady tsy tapaky ny antsy
80 Ny fo mifandray!
81 Ny senton' ny lavitra mety ho heno,
82 Miampita tokoa
83 Rehefa fitiavana iray no mameno
84 Ny fon' olon-droa!
|
